ប្រជាពលរដ្ឋណានៅតែបន្តដឹកឆ្កែទៅជុះ អាចម៍នោមលើសួនច្បារនឹងរងការផាកពិន័យ
29-May-2016 | ដោយ មែន កំសត់
ភ្នំពេញ៖មន្ត្រីសាលារាជធានីភ្នំពេញ បានឱ្យដឹងថា នៅពេលខាងមុខនេះបើនៅតែមានប្រជាពលរដ្ឋណានៅតែបន្តដឹក ឆ្កែទៅជុះអាចម៍និងជុះនោមតាមសួនច្បារសាធារណៈនានាតទៅទៀត នោះអាជ្ញាធរសាលារាជធានីភ្នំពេញនឹងមានវិធានការធ្វើការផាកពិន័យហើយ ប្រសិនបើមានការអប់រំហើយមិនស្តាប់។
កាលពីព្រឹកថ្ងៃទី ២៧ខែឧសភាឆ្នាំ២០១៦នេះលោក សំ សាមុតប្រធានអង្គភាពសួនច្បារនិងរុក្ខជាតិមន្ទីរសាធារណការនិងដឹក ជញ្ជូនរាជធានីភ្នំពេញបានឱ្យដឹងថាៈលោកអភិបាលរាជធានីភ្នំពេញបាន ណែនាំដល់មន្ទីរសាធារណការនិងដឹកជញ្ជូនរាជធានីភ្នំពេញឱ្យដាក់ស្លាក សញ្ញាហាមប្រជាពលរដ្ឋយកឆ្កែមកជុះអាចម៍និងជុះនោមនៅតាមសួនច្បារសា ធាណៈចំនួន៥កន្លែង គឺទី១សួនច្បារវិមានឯករាជ្យត្រូវដាក់ស្លាហាមចំនួន៤កន្លែងគឺ៤ ស្លាក,ទី២សួនច្បារមុខវត្តបុទុមវត្តីដាក់ស្លាហាមចំនួន៦កន្លែង គឺ៦ស្លាក,ទី៣សួនច្បារមាត់ទន្លេមុខព្រះបរមរាជវាំងដាក់ស្លាកហាម ចំនួន៦កន្លែងគឺ៦ស្លាក,ទី៤សួនច្បារសម្ដេចហ៊ុនសែនដាក់ស្លាកហាម ចំនួន៤កន្លែងគឺ៤ស្លាកនិងទី៥សួនច្បារមុខច័ន្ទឆាយ៉ាចំនួន២ កន្លែងគឺ២ស្លាក។
លោកប្រធានបន្តថាៈដោយសារតែកន្លងមកនេះ មានបងប្អូនយើងខ្លះមកហាត់ប្រាណឬក្នុងពេលពួកគាត់ទៅកំសាន្តបាន បណ្តើរឆ្កែរបស់គាត់យកទៅជាមួយបណ្ដាលឲ្យមានការជុះនោមនៅលើសួន បណ្តាលឲ្យភាពអាប់អ៊ួរ និងបរិស្ថានមិនល្អក្នុងរាជធានីភ្នំពេញ។ដោយសារហេតុផលខាងលើនេះ សាលារាជធានីភ្នំពេញបានធ្វើការណែនាំនិងដាក់បំរាមប្រជាពលរដ្ឋឲ្យ បញ្ឈប់រាល់សកម្មភាពដឹកសត្វឆ្កែទៅជុះនោមដាក់ សួនច្បារចាប់ពីពេលនេះតទៅ ហើយអាជ្ញាធរនឹងមានវិធានការផាកពីន័យប្រសិនបើមានការអប់រំហើយមិន ស្តាប់ ។
លោក សំ សាមុត បានបញ្ជាក់ទៀតថាៈកន្លងមកសាលារាជធានីភ្នំពេញបានដាក់ស្លាកហាមមិន ឲ្យយកសត្វទៅជុះ នោមឬរត់លើសួននិងមានការអប់រំណែនាំក្តី តែនៅមានមនុស្សមួយចំនួនតូចហាក់មិនបានអើពើរចំពោះការណែនាំនេះទេ ដោយនៅតែដឹកឆ្កែឲ្យទៅជុះ នោមលើសួនច្បារ ឲ្យរត់ឬ កាយបាក់ដើមផ្កា និងខូចស្មៅលើសួនដដែលជាពិសេសនៅពេលព្រឹកនិងពេលល្ងាចស្របពេល ដែលប្រជាពលរដ្ឋចេញហាត់ប្រាណ។សន្តិសុខដដែលបានបញ្ជាក់ថាមិនមែនមាន តែពលរដ្ឋខ្មែរទេសូម្បីតែជនបរទេសក៏បានដឹកឆ្កែទៅឲ្យជុះនោមលើ សួនច្បារដែរបញ្ហានេះធ្វើឲ្យប៉ះពាល់យ៉ាងខ្លាំងដល់មុខមាត់រាជធានី ភ្នំពេញ។
គួររំលឹកថារាជធានីភ្នំពេញមានសួនច្បារចំនួន៦៨ កន្លែងដែលមានផ្ទៃដី៦៩ហិកតាត្រូវបានសាលារាជធានីភ្នំពេញធ្វើ ការជួសជុលនិងកែលម្អរឡើងវិញជាបន្តបន្ទាប់ពីអណត្តិមួយទៅអណត្តិមួយ ដើម្បីជួយលើកកំពស់សោភណ្ឌ័ភាពរាជធានីភ្នំពេញនិងជាការទាក់ទាញ ភ្ញៀវទេសចរណ៏ផងដែរ៕
ចំនួនអ្នកទស្សនា
- ថ្ងៃនេះ5621
- ម្សិលមិញ2931
- សប្តាហ៍នេះ17811
- ខែនេះ5621
- ឆ្នាំនេះ988841
- សរុប20216287